Retranca

Cando tentamos tomar a sociedade na que se vive con pequenos e intencionados intentos de mudala, cara o que un percibe coma mellor ou que poida axudar a un contorno mellorado,  aínda que sexa practicando o consumismo, ve frustada a súa ilusión pola realidade devastadora, aínda que non derrotado.

Despois da nova da venda de “parte” da empresa R,  galega ao 100% até fai pouco,  e con negro futuro no breve prazo duns anos para estar baixo dirección galega.

Vese que é difícil a aposta polas iniciativas empresarias próximas, nas que algúns tivemos posto a nosa esperanza dende o principio dun xeito activo, por medio dun consumo responsable, dun xeito case que militante e de proselitismo a prol de potenciar unha compañía, que pretendía poñer un paso cara o século 21, que ademais ía acompañada de bo facer en moitos dos casos, que apostaba por unha comunicación en galego, que resistiu os embates de absorción doutras empresas de cable estatal, pero que ao final parece que vai ser presa de especulacións de apostadores “R”ápidos nas ganancias e que pouco saberán, nin lles importará, onde está radica a empresa e a importancia que teñan as comunicacións na Galiza.  Alo menos se fose unha empresa galega 100%, a que se fixese falta tirarlle das orellas o poidamos facer dende a proximidade.

Aínda recordo, e tamén coñezo na actualidade no noso país, lugares non lonxanos de “capitais provinciais”, que carecen de cobertura de telefonía fixa, de telefonía móbil e mal se ve a televisión. Cando noutrora a todopoderosa TelefAFóNICA non miraba nin unha vez cara nós, cando tiñas que pagar ben pagado o tendido telefónico (e aínda o tes que facer) para unha empresa pública, que despois foi mal vendida ao sector privado, pois algúns esperabamos que eses tempos foran do pasado e a modiñó fósemos conseguindo unha maior cobertura,  polo tanto que o avance tecnolóxico non suxeito estivera suxeito as contas feitas dende Madrid.

Pois ben, agora as contas parece que as van facer dende Amsterdam, polo menos agora aínda tiñamos a utópica ilusión de poder ir xunto a Gayoso a pedir explicacións ou pedir explicacións a Xunta e que presionara a R para que avanzase no cableado, agora vai ti saber a quen poñerán a atender o teléfono, ¿estarán aprendendo galego en Bombay, Sudamérica, África  para a deslocalización do callcenter de R?.

Non é unha cuestión de proteccionismo nin autarquía nin esas cousas que tanto lle preocupan aos neoliberais, tratase dalgo tan simple como do tecido social e neste caso cun engadido de tipo estratéxico, da posibilidade de ter unha compañía que suministre un servizo en competencia, pero cunha “obriga” cara aos seus clientes, que a súa vez corresponden coa fidelidade. Como nós pasa en moitas outras cousas, Galiza non pode estar supeditada a simples criterios de rendabilidade numérica dende unha oficina quén sabe onde, senón dunha rendabilidade a longo prazo e de país, xa que repercute en todo él, aínda hoxe a mala xestión da telefonía fixa e móbil, do ferrocarril (aínda andamos a pedir sen ter saldada a débeda histórica), das políticas medio ambientais, agrarias, etc. que foron apostas nunha partida de poquer de gobernos alleos a realidade social e económica da nosa terra.

a valoración total da compañía estimada en 675 millóns de euros, un millón de galegos poderíamos ser os propietarios por 675 euros cada un.

artigos vencellados:

http://www.lavozdegalicia.com/portada/2010/04/14/01121271234930139540677.htm

http://www.farodevigo.es/economia/2010/04/13/caixanova-vende-participacion-124-r/428968.html

A cuestión e seguir a fronte, como NON imos crer nesta predición dos pais da criatura. Supoño que estiveron entre potes cos seus libros máis vellos e asesados dos que sacaron conclusións adiviñatorias mirando no caldo que  eles mesmos cociñaron.

Os poderes de bruxos que estiveron a apoiar nos últimos anos as bondades das súas receitas máxicas, agora seguen a amosar o futuro, ademais a 10 anos vista, ahí é nada en economia, cando en pouco tempo tiraron todo polo chan. Teremos que pedirlles a apócema salvadora para que non cheguen a 10, ou se cadra eles se propoñen que ese sexa o prazo que nos dan, se cadra é unha ameaza…..uiiiiiiiiiiiiiiiiiiiiiiii ke medo

Fonte: www.finanzas.com

ligazón: http://www.finanzas.com/noticias/economia/2010-01-12/234858_funcas-cree-economia-cayo-36.html

Penso que cada quén tería que reclamar que no seu colectivo lle derán o posto ao que maior fracasos ten, i.e. que no Colexio de Médicos se poña a aquel ciruxán que máis pacentes perdera no quirofano,  porque él sabe de primeira man o que non hai que facer,  será o estandarte da profesión:

- mirade o que non hai que facer!!!

cando os compañeiros se crucen con él,  lembraranse e pensarán: eu non quero ser presidente do Colexio!!! e farán ben o seu traballo,  ao mellor algún ata pon unha foto del no quirofano e botalle unha mirada de reollo mentras fai a intervención.

Tampouco sei que problema hai en que Díaz Ferrán siga no seu posto, como él mesmo dí quen mellor ca él para exemplificar o que hai que facer: ERE, despido masivo, clientes insatisfeitos, …todo iso da moral e confianza cando están a reclamar xunto ao Gobernador do Banco de España e demáis gurús, que hai que facilitar o despido,  perdón, flexibilizar o mercado laboral, etc.

¿Por qué non despedir entón a Díaz Ferrán directamente?, como exemplo desa nova política que queren, e despois como parado o poñemos como ministro de Traballo, porque seguindo coa súa lóxica quén mellor que un parado para coñecer a realidade laboral.

fonte: http://www.elmundo.es/mundodinero/2009/12/22/economia/1261467188.html

humor sueco: o último Premio Nobel da Paz

non precisa de comentarios

http://gl.wikipedia.org/wiki/Premio_Nobel_da_Paz

os contidos artísticos  de

retranca.com apareceran

en www.mosquera.me

Isto vai depresa, despois de non sei cantos intentos conseguín que o meu proveedor de aloxamento me dera “permiso” para poderes empregar o espazo, isto si que é tecnoloxía punta…..